El nuevu colectivu naz con ganes d’acoyer a toa persona o asociación que té por cuidar el patrimoniu del conceyu. El so primer enfotu ye la revisión exhaustiva de los catálogos urbanísticos municipales, p’amplialos metiendo más inmuebles con valir arquitectónicu. Tamién pensamos organizar charles y aules abiertes de información sobre los bienes culturales.

Los puntos mínimos nos que se rixe esta Plataforma, son :

• 1 / Defensa del patrimoniu cultural de la fastera hestorico-cultural de Corvera, nes formes que vienen darréu y cualesquier otra mena que s’algame posible pola mayoría de les persones pertenecientes a la Plataforma :

• • A – Estudio de los Catálogos Urbanísticos de proteición de Bienes Inmuebles adaptaos a la realidá, y inclusión de dalgunos inmuebles non espuestos, nos citaos Catálogos, o cualesquier otra forma llegal que correspuenda, en base a la so proteición, d’intereses especulativos y/o d’otru índole que pudieran asoleyar.

• • B –Diálogu coles partes interesaes, pa entamar un Plan de preservación y posterior rehabilitación de los inmuebles catalogaos, asina como de los pendientes de catalogar.

• • C – Criación por parte de los responsables d’una partida presupuestaría pa unos planes de conservación y mantenimientu de los inmuebles, amás d’unos planes de rehabilitación d’inmuebles que pol so estáu de conservación tengan de proceder a actuar sobro ellos.

• 2 / Furrule como mecanismu de diálogu, y tamién de presión si se diera’l casu, ente los coleutivos que lo formen y l’Ayuntamientu Corveran, o cualesquier otru muérganu competente.

• 3 / Crear mecanismos d’espardimientu del nuesu patrimoniu al pueblu corveran, de les ventaxes de protexer el nueso patrimoniu cultural. Esti puntu podía algamase médiante charres, páxines interautives, facilitar llugares d’espardimientu pa la comunicación de la nuesa cultura, yaeso.