– Mención especial pal patrimoniu inmaterial asturianu nun congresu de la UNESCO

– Cultura compromete un Centru de Patrimoniu Oral, anque ensin acutar plazos

– El padremoñu inmaterial asturianu algama una mención nel Forum de la UNESCO

– El Principado construirá en Gijón un centro del patrimonio oral y musical

– Fontes sonores de la música tradicional asturiana

15/11/2006
Asturies.com

POSIBLE PRIMER PASU PA UNA CANDIDATURA ASTURIANA ÉNTE L’ORGANISMU INTERNACIONAL

Mención especial pal patrimoniu inmaterial asturianu nun congresu de la UNESCO

Redacción

15/11/2006 La participación asturiana nel XI Seminariu Internacional del Forum UNESCO "Universidá y Patrimoniu", que se celebró en Florencia del 11 al 16 del pasáu mes de setiembre, llogró un grán éxitu al merecer una mención especial qu’abre la puerta a la presentación d’una candidatura asturiana a patrimoniu inmaterial de la Unesco, al dicir de Jesús Suárez López, ún de los investigadores participantes .

El director Xeneral de Promoción Cultural y Política Llingüística Carlos Madera y el director de la oficina de política llingüística Ramón d’Andrés presentaron ayeri a los participantes asturianos nel seminariu. Trés proyectos enteveraos ente ellos pola so complementariedá representaron la cultura asturiana nesti forum mundial. El primeru, entituláu "L’archivu de la tradición oral d’Asturies: nueves tecnoloxíes pa relatos vieyos" tuvo a cargu de Jesús Suárez López, mientres que les les otres dos ponencies foron "La proyección hacia’l futuru de la música tradicional n’Asturies: l’Archivu de la Música Tradicional", del investigador Fernando Ornosa Fernández; y "La difusión del Patrimoniu Inmaterial al través de les nueves tecnoloxíes n’espacios educativos", de Teresa Álvarez Acero, única de los trés invetigadores que nun pudieron asistir a la presentación.

Jesús Suárez llamó l’atención sobre’l fechu de que los proyectos asturianos recibieren una mención especial nel Forum al qu’acudieron 600 participantes de 60 países de tol mundu, llamando l’atención hasta’l puntu de que delegaciones d’otros países declararon el so interés pol modelu d’estudiu y analís emplegáu polos asturianos. A partir d’esta mención, Jesús Suárez comentó que cabía la posibilidá de presentar una candidatura asturiana a patrimoniu inmaterial de la Unesco y xunto con ello, la creación d’un centru de patrimoniu inmaterial, que guarde archivos y coordine grupos d’investigación". Carlos Madera comprometió verbalmente la construcción del centru y espresó’l so interés pol patrimoniu oral, afirmando que’l so Gobiernu tenía que mirar "pol patrimoniu de les piedres" y tamién pol que ye intanxible". Pela so parte, Ramón d’Andrés espresó’l so arguyu y contentu pol altor de los trabayos presentaos, anque conseñó que, en materia de patrimoniu inmaterial "nun ta too fecho".

15/11/2006
Asturies.com

LOS ESPECIALISTES PIDEN MÁS ATENCIÓN PAL PATRIMONIU INMATERIAL

Cultura compromete un Centru de Patrimoniu Oral, anque ensin acutar plazos

Redacción

15/11/2006 El Director Xeneral de Promoción Cultural y Política Lingüística, Carlos Madera, dio anuncia ayeri de que’l Gobiernu asturianu va construyir un Centru destináu a la conservación del Patrimoniu inmaterial asturianu que s’asitiaría, posiblemente, en . Muséu del Pueblu d’Asturies de Xixón. Sicasí, l’anuncia sobre esti centru que veníen pidiendo de vieyo los incestigadores nun vieno acompañada de feches nin plazos concretos. L’anuncia diola Madera na rueda de prensa na que se presentó la participación asturiana nel XI Seminariu Internacional del Forum UNESCO "Universidá y Patrimoniu", que se celebró en Florencia del 11 al 16 del pasáu mes de setiembre.

El musicólogu Fernando Ornosa, ún de los investigadores más comprometíos con esti proyectu y participante nel forum italianu, manifestó a Asturies.com que l’anuncia del cargu de Cultura nun dexa contentos del too a munchos investigadores comprometíos col patrimoniu inmaterial. Ornosa, que contaba con "feches concretes mas allá d’un compromisu nel aire" llamentó que "hai unes cuantes persones trabayando nel patrimoniu inmaterial que merecen que se desarrollen esti centru d’investigación de manera que puean entrar nes estructures de los museos y que se financien los sos trabayos de campu".

Dempués de que l’añu 2005, añu internacional del Patrimoniu Inmaterial, pasare ensin mayores avances, y de que nesti 2006 nun hubiere tampoco grandes novedaes hasta l’anuncia verbal d’ayeri, énte les bones palabres de Carlos Madera, l’investigador conseñó que "nun hai nada presupuestao pal 2007 sobre esti particular" y resumió les sos reclamaciones en consiguir nesta llexislatura "que se comprometa en firme la creación del centru de patrimoniu inmaterial dientro de Muséu del Pueblu d’Asturies, amestando l’ archivu de la tradición oral y el de la musica tradicional" y, d’otra manera, "llograr el desendolcu urxente de la Llei de patrimoniu no tocante a la recoyida de testimonios orales" dalgo qu’urxe en cuantes que’l patrimoniu inmaterial tien fecha de vencimientu y añu tres añu van perdiéndose posibles informantes y fontes.

15/11/2006

Asturnews

15/11/2006

El padremoñu inmaterial asturianu algama una mención nel Forum de la UNESCO

Crearáse un Centru de Documentación pal estudiu y salavaguarda de la tradición asturiana.
Redacción

El Forum de la UNESCO, cellebráu na ciudá italiana de Florencia ente l’11 y el 15 de setiembre, plasmó la tradición oral asturiana dientro del so documentu final. N’esti alcuentru de la organizción cultural de les naciones uníes participaron más de 600 delegaciones en representación de 60 países de tou’l mundu. La Conseyería de Cultura d’Asturies comisionó a Fernando Ornosa, Jesús Suárez y Teresa Álvarez pa representar colos sos proyectos a la cultura inmaterial del país.
Los tres proyectos asturianos presentaos nel Forum de la UNESCO son "L’archivu de la tradición oral d’Asturies: nueves tecnoloxíes pa vieyos" de Jesús Suárez; "La proyección hacia’l futuru de la música tradicional" de Fernando Ornosa; y "La difusión del Patrimoniu inmaterial al traviés de les nueves tecnoloxíes" de Teresa Álavarez Acero. Los proyectos presenten la cualidá de la so tresversalidá, esto ye que compleméntense ente ellos, lo que suscitó interés por parte de les comisiones ellí presentes.

Jesús Suárez esplicó que les intervenciones asturianes fueron siguíes con gran interés por parte de les delegaciones presentes, hasta’l puntu de que los representantes del Quebec y del Congo establecieron contactos cola asturiana pa implantar el modelu d’estudiu de la tradición oral nos sos países. Suárez esplicó que’l proyectu asturianu yera integral y que poro foi incluyíu ente les menciones del documentu final por "contribuyir a la educación, asina como por favorecer el contactu interxeneracional". Esta mención tien amás el valir de que foi la única concedida a una entidá non estatal, polo que’n pallabres de Suárez "ábrense les puertes a una candidatura al Padremoñu de la Humanidá pa la cultura inmaterial asturiana". Sobre esta posible candidatura Carlos Madera dixo "tar d’alcuerdu, pero que nesti intre esisten dos candidatures a esti padremoñu como son les de les cueves rupestres y el Camín Antiguu de Santiago". Ente les propuestes de Suárez alcuéntrase crear un Centru Documental del padremoñu oral ya inmaterial asturianu, propuesta esta que recibió’l sofitu del Director Xeneral de Promoción Cultural.

Fernando Ornosa dixo qu’un de los motivos p’asistir a esti alcuentru de la UNESCO yera buscar estratexes pa la reconocencia de la música tradicional, como un padremoñu "a custodiar, protexer y fomentar". Ornosa confirmó que n’Asturies la bona base que l’Archivu del Pueblu d’Asturies permite, asegura que los músicos, investigadores y ciudadanos que tean interesaos na conociencia de la tradición asturiana tengan un espaciu perafayadizu pa ello. Ornosa faló del pryectu de Teresa Álvarez, que nun s’alcontraba na rueda de prensa, pal estudiosu de los sones tradicionales, la importancia d’averar el padremoñu a los centros escolares significaría la salvagurda de la tradición asturiana. Fernando Ornosa esixó que’l Principáu d’Asturies desenvuelva la Llei de Patrimoniu, como forma de posiblitar un trabayu de campu d’investigación continuáu nel tiempu. A esti respectu Ornosa considera que "nun tien de ser sólo una prioridá pa los investigadores sinon una prioridá pa los asturianos".

Ramón d’Andrés amuesóse orguyosu pola presencia nesti tipu d’alcuentros d’ivestigadores del valor de Jesús López, Fernando Ornosa o Teresa Álvarez. Pal Xefe de Política llingüística’l nivel d’investigación n’Asturies ye peraltu, sicasí "nun ta too fecho anque la simienta yá ta echada". D’Andrés insistió na necesidá pa que la cobertura y l’esfuerzu investigador tean presentes ente la sociedá asturiano.

Carlos Madera afitó la so voluntá pa continuar avanzando nel estudiu y promoción del padremoñu asturianu. Pa elli "la tradición oral ye ún de los padremoños que más necesidá tienen de protección, amás de suponer una de les señes más importantes de la nuestra tierra".

15/11/2006

La Nueva España

SOCIEDAD Y CULTURA

El Principado construirá en Gijón un centro del patrimonio oral y musical

El director de Cultura afirma que se ubicará en el Museo del Pueblo de Asturias

Oviedo

El Director General de Promoción Cultural y Política Lingüística, Carlos Madera, anunció ayer que el Principado construirá un centro destinado a la conservación del patrimonio oral y musical asturiano (inmaterial). El centro posiblemente se ubicará en el Museo del Pueblo de Asturias, en Gijón, según informa «Europa Press».

Madera anunció la creación del centro en la rueda de prensa en la que informó sobre la participación de Asturias en el XI Seminario Internacional del Fórum UNESCO «Universidad y Patrimonio», que se celebró en Florencia del 11 al 16 del pasado septiembre.

Al seminario, según Madera, se presentaron tres proyectos asturianos «enlazados entre sí»: «El archivo de la tradición oral de Asturias, España: nuevas tecnologías para viejos relatos, a cargo de Jesús Suárez López; «La proyección hacia el futuro de la música tradicional en Asturias: el Archivu de la Música Tradicional», del investigador Fernando Ornosa Fernández; y «La difusión del patrimonio inmaterial a través de las nuevas tecnologías en espacios educativos», de Teresa Álvarez Acero.

Jesús Suárez destacó que los proyectos asturianos recibieron una mención especial en el fórum, al que acudieron 600 participantes de 60 países «tan dispares como Rusia, Colombia, Japón o Azerbaiyán». El investigador comentó que, tras esta mención especial por parte de la organización del fórum, «se abren dos caminos». Uno es la posibilidad de presentar una candidatura a patrimonio inmaterial de la Unesco y otro la creación de un centro para «la centralización y garantía de la custodia del patrimonio inmaterial».

14/11/2006

Asturnews

14/11/2006

Fontes sonores de la música tradicional asturiana

Redacción

Embaxo esti títulu recuéyense bien de grabaciones procedentes del Archivu de la Música Tradicional del Muséu del Pueblu d’Asturies. Dende l’añu 2001 esti proyectu vien enfotándose n’atropar les grabaciones audiovisuales esistentes nel país.
Dende los años 50, del sieglu venti, bien d’asociaciones y persones particulares entamaron a facer encuestes y grabaciones de la cultura inmaterial asturiana. Ún de los oxetivos de la coleición Fontes sonores de la música tradicional asturiana ye asoleyar eses grabaciones y trabayos de campu pa ufriles al pueblu asturianu, amás d’a músicos ya investigadores.
La colección Fontes sonores de la música tradicional asturiana remanez cola fin de proponer un espaciu común pa toles persones y grupos venceyaos a la xera de la recuperación de la cultura asturiana.
Títulos asoleyaos pola Colección Fontes Sonores de la Música Tradicional Asturiana:

1. Eduardo’l de Sabina.
2. Música de tradición oral nel conceyu de L.lena
3. Les ofrendes de ramos n’Asturies
4. Ignacio Noriega. El gaiteru de San Roque L’Acebal
5. Juan Uria Maqua. Vaqueiras y otras canciones asturianas