Según s’adelantó ayeri, les escavaciones descubrieron detalles nuevos sobre esti yacimientu con una cronoloxía fechada ente los sieglos VIII y VII enantes de Cristo y el sieglu I enantes de Cristo.
por Prenseru
27/07/2007 www.asturies.com ...
NUEVOS AFAYOS NEL CASTRU DE TARAMUNDI
Los arqueólogos camienten que’l Castru de Taramundi podría ser más grande que’l del Chao Samartín
Redacción
Güei remata en Taramundi la octava campaña d’escavación del castru de Os Castros, na que participaron voluntarios de la Universidá d’Uviéu y otres universidaes españoles baxo la dirección de los arqueólogos Alfonso Menéndez y José Antonio Fanjul y la coordinación del arqueólogu responsable del Plan Arqueolóxicu de la Cuenca del Navia, Ángel Villa.
Según s’adelantó ayeri, les escavaciones descubrieron detalles nuevos sobre esti yacimientu con una cronoloxía fechada ente los sieglos VIII y VII enantes de Cristo y el sieglu I enantes de Cristo. Les escavaciones lleváronse alantre sobre una superficie de 500 metros cuadraos, descubriendo una sauna del tiempu de Roma cola so caldera y canal de desagüe. L’arqueólogu Alfonso Menéndez apuntó qu’hai indicios d’un edificiu más antiguu sobre’l que quier llevase alantre un llabor d’escavación en futures campañes".
L’arqueólogu comentó que’l castru podría tener una superficie total de cerca de 1,5 hectárees, mayor incluso que’l Castru del "Chao Samartín", en Grandas de Salime.