Les obres de la Zona d’Actividaes Loxístiques (Zalia) na parroquia xixonesa de San Andrés de los Tacones tán acabante valtar un conxuntu de polo menos ocho horros y paneres, catalogaos pol Ayuntamientu de Xixón como “de protección integral”. Sicasí, la pasividá d’esta insititución y de la Conseyería de Cultura, permtió’l destrozu de los mesmos, magar de que los vecinos avisaren va yá dellos meses.
por Prenseru
http://www.asturnews.com/index2008....
02/02/2009
Xixón pierde un conxuntu d’ocho horros y paneres pola inacción del Ayuntamientu y el Gobiernu d’Asturies
Redacción
Restos d’un horru
Les obres de la Zona d’Actividaes Loxístiques (Zalia) na parroquia xixonesa de San Andrés de los Tacones tán acabante valtar un conxuntu de polo menos ocho horros y paneres, catalogaos pol Ayuntamientu de Xixón como “de protección integral”. Sicasí, la pasividá d’esta insititución y de la Conseyería de Cultura, permtió’l destrozu de los mesmos, magar de que los vecinos avisaren va yá dellos meses.
Dalgunos de los horros daten de 1805 y de cuasi toos ellos namás queden agora los escombros que dexaron les escavadores d’esta obra que lleva alantre’l Principáu nel conceyu de Xixón.
El presiodente de l’Asociación de Vecinos de San Andrés de los Tacones, Eusebio Ortega Villalvilla, llevantó la voz d’alarma na primavera del añu pasáu, el día 10 de xunu de 2008, con una carta a la Conseyería de Cultura pola que tovía esperen respuesta.
Una vegada más, la Llei de Patrimoniu Cultural de 2001 nun sirve pa protexer el patrimoniu asturianu d’una clas política despreocupada y neglixente.
Comentario
2-/-0/2009 - Mariu C.R.
Horros y paneres
¡Eso ye defender lo nueso!, dexar que desapaeza
tolo asturiano la llingua, les sos construciones tradicionales horreos y paneres. Defendan la zarzuela, el toro de obsborne y las corridas de la demencia nacional, así como todo lo de fuera menos lo nueso. Asina nos va.
http://www.asturnews.com/index2008....
03/02/2009
PP, PAS y UNA piden responsabilidaes a IX y PSOE polos horros valtaos en Xixón
Redacción
Énte la destrución de los horros y les paneres nes obres de la ZALIA na parroquia de San Andrés de los Tacones en Xixón, toles fuercies polítiques de la oposición condergaron los fechos y piden responsabilidaes al Auntamientu de Xixón y al Gobiernu d’Asturies, gobernaos pol Partíu Socialista ya Izquierda Xunida-Bloque por Asturies.
L’agrupación del Partíu Asturianista en Xixón comentó nun comunicáu que la organización y los militantes en coxuntu tán “indignaos pola destrucción d’esti patrimoniu cultural tan característicu y propiu” y piden a l’Ayuntamientu y al Gobiernu “una rempuesta clara y rápida” como tamién a la sociedá xestora de la ZALIA y al presidente del conseyu d’alministración, Francisco González Buendía.
El PAS camiente qu’esti fechu “vergoñoso” pueda quedar “impune y ensin nenguna responsabilidá”. Amás reclamen una “una normativa propia del conceyu de Xixón y una Llei de Patrimoniu del Principáu y que nengún organismu faiga nada por cumplir la llexislación”.
Pal Partíu Popular de Xixón “El PSOE demostró a les clares que nun tien nengún respetu col patrimoinu; carez de cualesquier sensibilidá y demostrólo una vez más permitiendo’l derribu d’ocho horros”. El conceyal del PP, Manuel Pecharromán solicitó “la dimisión de los políticos que tomaren esta salvaxe decisión”.
El voceru de la estaya de cultura d’Unidá Nacionalista Asturiana, Ignaciu Llope, declaró esta mañana que "la desapaición d’ocho horros supón un gravísimu atentáu escontra’l patrimoniu cultural asturianu, que ye pior si cabe, al comprobar la pasividá cola que actuaron nesti casu, tanto dende l’Ayuntamientu de Xixón como la Conseyería de Cultura”. Pa la UNA "la pasividá ya inoperancia de los organismos públicos nesti casu clama al cielu, y dende UNA fai que nos entruguemos polos verdaderos intereses que puen llevar a la Conseyería de Cultura y al Ayuntamientu de Xixón a nun facer nada en defensa del patrimoniu arquitectónicu asturianu. Abúltanos que l’oxetivu de construir la ZALIA de toes toes paez que ta penriba de la propia llei, que pa casos como esti ye perclara”.
Amás recordaron que den UNA ta estudiándose la posibilidá “d’entamar con acciones llegales tanto escontra los autores d’esti atentáu como escontra les instituciones implicaes”.