por La Foz del Pielgu
El Castiellu de Gauzón ta asitiáu na peña conocida como "El Peñón de Raíces", na rodiada d’esi pueblu del conceyu asturianu de Castrillón.
Les últimes prebes feches col carbonu 14 daten la construcción a mediaos del sieglu VII
Magar que anguaño’l castiellu ta prauticamente desapaecíu, porque les sos piedres valieron en dómines pasaes pa edificar estremaes ilesies de la zona, ta desendolcándose nél un importante trabayu de recobramientu arqueolóxicu, que apocayá dio sorprendentes datos tocántenes a les feches de construcción de castiellu. Los historiadores fechaben el so orixe nel sieglu IX basándose no que cuenten les cróniques, pero les últimes prebes feches col carbonu 14 daten la construcción a mediaos del sieglu VII, lo que pa los investigadores del xacimientu podría poner en dulda la teoría cuadonguista y que Pelayo fore’l primer rei asturianu.
El castiellu tien pa la historia d’Asturies una singular importancia porque foi n’èlli ú se fabricó la Cruz de la Victoria.