La escanda algama’l sellu de Denominación d’Orixe Protexía
Fecha: 03/08/2010 a les 18:55:37
Pasaron cuasi tres años dende qu’el Principáu d’Asturies unviara la solicitú a Bruseles, pero a la fin llegó. Ayeri aparecía nel BOPA la decisión positiva pa la inclusión de la escanda nel rexistru comunitariu. Dende agora tolos productos fechos con esta variedá de trigu asturianu tendrán que llevar una etiqueta específica que suministrará’l Conseyu Regulador con un númberu específicu. Nesti casu, amás, ya cunta con un logotipu propiu baxo’l nomatu d’Escanda Asturiana o Escanda d’Asturies.
La escanda ye un cereal del xéneru Triticum, especialmente dura y resistente a les enfermedaes qu’antaño se cultivaba en tol territoriu asturianu. Cola llegada del maiz d’ultramar y el trigu castellanu foi desaniciándose. D’unos años p’acá ta se ta intentando recuperar anque la so producción ye tovía cuasi anecdótica pola mor del costu de producción. Cola so fariña –mecía con fariña de trigu, centenu o maíz– fáise pan y bollería duce. Güei sabemos qu’aporta un 25% más de proteínes qu’el trigu convencional.