La Foz del Pielgu
Defensa del Patrimoniu Cultural y Natural de Corvera y d’Asturies

Entamu del sitiu > Otros Colectivos

23 d’Avientu - La Tertulia Cultural “El Garrapiellu” fai en San Pedro La Collá, parroquia de Sieru, la so xuntanza añal.

vienres 21 de avientu de 2007

XUNTANZA D’EL GARRAPIELLU

La Tertulia Cultural “El Garrapiellu” fai en San Pedro La Collá, parroquia de Sieru, la so xuntanza añal. L’asociación, fundada en 1990, caltién un llabor reconocío y un enfotu poles señes d’identidá de la cultura d’Asturies.

Col Belén tradicional nel solsticiu d’iviernu “El Garrapiellu” amesta unes tradiciones celtes y cristianes de la identidá asturiana. Súmase a la tradición belenista con un modestu Belén revindicativu que tará estes navidaes, como tolos años, nes ruines de la ilesia vieya de La Collá, que figura na donación d’Ordoñu II en 921. Cola danza prima alredor del Texu de Ceñal axuntámonos con esti venerable árbol tutelar que fuera árbol de conceyu y xusticia nel sieglu XV y ye pal Garrapiellu un símbolu de la campaña: “El Texu, l’Árbol d’Asturies”. Revindicamos un espaciu hestóricu en ruines, una muestra del abandonu del patrimoniu asturianu. Y un texu secular pa que sea declaráu y protexíu como Monumentu Natural.

“El Garrapiellu”, vien faciendo con estos actos añales un llamáu d’atención a los muérganos oficiales responsables. Una llamada a la sociedá asturiano pa la defensa del nuestru patrimoniu gravemente amenazáu. El casu d’Abamia, colos recientes atentaos a los texos y la desafortunada restauración, ye una vergoña. “El Garrapiellu”, que sofita la plataforma del Conceyu del Texu, protesta por esti tratu al patrimoniu hestóricu, artísticu y ambiental de la nuestra comunidá.

Los actos tendrán llugar nes ruines de San Pedro La Collá y entornu del Texu de Ceñal a partir de les 12 hores del domingu 23 d’Avientu. Tán convidaos los vecinos o vecines y cuantes persones quieran acompañar al Garrapiellu nestos actos de xuntanza y revindicación.

Responder a esta breve

SPIP | | Mapa d'esti sitiu | Siguir l'actividá del sitiu RSS 2.0