PLATAFORMA POLA DEFENSA DEL PATRIMONIU DE CORVERA

A LA CONSEYERIA DE CULTURA DEL PRINCIPAU D’ASTURIES
Serviciu de Patrimoniu Cultural

Xosé Xicu Mata Carrillo, (...), en nome propio, como voceru de la PLATAFORMA POLA DEFENSA DEL PATRIMONIU CULTURAL DE CORVERA ( PDPCC ), formada por delles organizaciones politiques ( Andecha Astur, IU y PCPE ), asociaciones vecinales ( A.VV. de “ Xunios “ – Los Campos, “ El Carbayu “ – Cancienes, “ La Paloma “ – Tresona , “ El Camín “ – Llaranes-El Pozón, asociación cultural SILEX, y dellos hestoriadores, artistas, artesanos y restauradores, persones independientes del Conceyu de Corvera ), espublice’l presente escrito, sollicitando me seyan notificaos, como interesáu, les resoluciones y actos alministrativos correspondientes, de conformidá cola llei 30/92, de 26 de Payares, de Réximen Xurídico de les Alministraciones Públiques y del Procedimientu Alministrativo Común ( artículos 31,35,58 y 59 ).

Espón :

Que nel pasau díi 27 d’abril, s’espublico nel periodicu “ La Voz d’Avilés “ unes declaraciones del actual Alcalde de Corvera D. Luis Belarmino Moro con respeutu a una denuncia presentada pola Plataforma pola Defensa del patrimoniu cultural de Corvera a esta mesma Conseyería de Cultura, respeuto a la “ zona de riesgo arqueológico “, detallada en la carta arqueológica de corvera de 1996 comprendida en el pueblo de Truyés.

Que nel dictamen d’esta denuncia nun apaez nenguna reseña a estí aspeutu, tan solu a temes de calter etnográficu.

Que nes mesmes declaraciones, ( adxunto noticia 27.04.05 – La Voz de Avilés ) l’Alcalde culpo ente otros a la citada Conseyería de Cultura por non desempeñar les sos fonciones d’investigación previa y analís de la zona, enantes d’acometerse les obres que se tan llevando nestí llugar, y másime siendo avisada la citada Conseyería de Cultura por esta Plataforma, na denuncia presentada’l 27- 09 – 04 .

Que dende la nuesa Plataforma cultural, non atalantamos como se puen tar llevando a cabo unes obres nuna especial zona de proteición arqueolóxica, ya que puer correr un gran riesgo de desaniciu posibles restos arqueolóxicos na fastera camentada na Carta Arqueolóxica de Corvera.

Poro , sollicita :

Que la citada Conseyería de Cultura proceda a parar les obres que se tan desendolcando nesta zona de especial proteición arqueolóxica lo enantes posible, ya que cuerre un altor riesgo de desaniciu posibles “ hallazgos “ arqueolóxicos.

Que se proceda pola parte de la Conseyería de Cultura a sancionar a l@s responsables d’esti xabaz ataque contra’l patrimoniu arqueolóxico de Corvera, y se investigue, pola parte la mesma, si les pallabres del actual regidor, puen incurrir nun delito d’omisión de funciones, al permitir la entrada de la maquinaria nuna zona de riesgo arqueolóxico, a sabiendas d’ello.

En Les Vegues, a dies andaos de Mayu de 2005.

Xosé Xicu Mata
Portavoz ( Voceru ) de la Plataforma pola Defensa del Patrimoniu Cultural de Corvera